De Zap Kao Qoix

		De Zap Kao Qoix Diexnnao, Baxnglo kab Daibuun Bengzw : Hae! A'Kiexn, tviaf eq korng lie cithoee bueq zoix u koanhe Daibuun, diexnnao hafm baxnglo hongbin ee iefnkarng hioq? A'Kiexn : Si aq. Afnzvoar, u herngzhux laai sioir phuepheeng cykaux cide ox? Bengzw : Putkarm, putkarm. Cysi goar kafmkag cviaa kikoaix. Daibuun erngkay si bueq hoong eng laai piawdat Daigie cid qoarn kofzar ee gygieen eng ee. Aq diexnnao kab baxnglo si siang hiexndai-hoax ee qoiky. Yn ham Daibuun u sviaq koanhe leq ? A'Kiexn : Itpvoaf laang lorng u lie citqoarn zhoirgo ee sviuxhoad. Kisit, yn ee koanhe ciahsi doa leq ox. Bengzw : Pyjuu korng leq? A'Kiexn : Pyjuu korng, citpae laang cidkoafar qaq siencixn ee kokkaf lorng iong E-Mail, doixsi diexnzuo iukvia, laai koitofng. Di larn Daioaan, eng E-Mail ee laang doaxpoxhun lorng iawkoiq si cidkoafar siaolieen ee. Itpvoaf laang lorng bexhiao eng hiexndai hoax ee qoiky laai teqkoy kangzog hauxlut. Sidzai cyn qoysioiq. Bengzw : Zef kab Daibuun iukoiq u sviafmih koanhe leq? A'Kiexn : Inui iong Harnji bulun si sujip iaxsi suzhud lorng cviaa iongix zhud buxnduee. Huisioong booi hongpien. Aq naxsi iong Enggie, suijieen booi sujip suzhud kab toansaxng ee buxnduee. Daxnsi, Enggie piekerng mxsi larn ee bwgie. Itpvoaf laang lorng booi hoatdo iong Enggie laai piawdat oanzerng ee sviuxhoad kab kafmzeeng. Bengzw : Sofie iong Daibuun doi lorng booi ciahee buxnduee aq hioq? A'Kiexn : Boizhoix.
De Id Qoix
De Ji Qoix
De Svaf Qoix
De Six Qoix
De Go Qoix
De Lak Qoix
De Chid Qoix
De Pueq Qoix
De Kao Qoix
De Zap Qoix
De Zap Id Qoix
De Zap Ji Qoix
De Zap Svaf Qoix
De Zap Six Qoix
De Zap Go Qoix
De Zap Lak Qoix
De Zap Chid Qoix
De Zap Pueq Qoix
De Zap Kao Qoix
De Ji Zap Qoix