De Zap Go Qoix

Paxnkofng Seg

Piesw : Oong kenglie gauzar, goar ciaf u cidkoafar daixcix bueq ka lie poirkoix.

Kenglie : Lexhofng, gauzar. Cit taozao si u sviafmih daixcix ?

Piesw : Larn ee doa zwkox Lamqay laai diexnoe korng yn derng lefpaix sor dexng ee hoex nafue kaux citzun iawkoiq iafue saxng kaux. Yn korng hid kvia daixcix cviaa kib. Larn na kafsuo booi kaykoad, yn doi bueq qix ka pat kefng buea.

Kenglie : Mafsiong tongdy zhud hoex hiaf, zhaa qvoax si doyui zhud zhazhoix.

Piesw : Goar ykefng qix mng kuex aq, yn korng si uxnsw kongsy ka larn loxng mxdioih qix eq.

Kenglie : Na si afnnef, mng qvoax yn u zaidiau tex larn pofkiux box. Na booi, larn doi aix suii por cit pid hoex qix. Kaang hoe-sitlea, suxnsoax poesiorng laang ee swnsid.

Piesw : Hoir, goar suii qix pan.

Kenglie : Lexnggoa, qix liawkae hid kefng uxnsw kongsy ee zengheeng. Qvoax cid hoee ee daixcix si m si dviaxdvia hoatsefng. Na si, larn doi aix qoylu voa cit kefng aq. Mxtafng ho yn laai efnghiorng dioih larn ee sirniong ciaq hoir.