Qoihak-kaf haam Kapar

 - Baxnglo buncviw, Ngg Sikiexn hoanek

    U cit ee qoihak kaf itdit kafmkag kapar ee hvi-ar si di doaxtuie laixbin. Y ia zoix citee doaxdvar ee kafseg. Jienau, y doi zoix sidgiam laai irnzexng y ee sviuxhoad. Y sefng giaa cit ky suex ky tuii ar di kapar ee doaxtuie pvyaf qyn-qyn koxng cidee. Hid ciaq kapar doi qyn-qyn tiaux cidee. Y na koxng qaq doaxlat, hid ciaq kapar doi tiaux qaq doa e. Y itdit chix ciog zue piexn lorng si kaxngqoarn. Y phvoardoan hef si inui kapar ee hvixqafng svy di doaxtuie lai, sofie tviaf dioih korngtuii-ar sviaf, doi ue kviaf cide, ciaq ue tiaux qylaai. Citzun, y doi duix kaki ee sviuxhoad juo laai juo u sirnsym. Zoeaau, uixdioih bueq tietdea zerngbeeng y ee sviuxhoad, y doi ciofng hid ciaq kapar ee nng ky qatuie lorng ka ciern dng. Jienau, y doi koiq iong y hid ky tuii-ar di kapar ee goanlaai doaxtuie pvyaf koxng kuya e, y qvoax hid ciaq kapar lorng bue koihzaix tiaux aq. Y sviu hef si inui kapar ee hvixqafng svy di doaxtuie lai. Doaxtuie cit koax diau, kapar doi booi hvixqafng aq, dongjieen tviaf booi, ia dongjieen doi bue tiau aq.

     Zoeaau, cid ui qoihak kaf doi hioxng dagke soanpox y ee “giefnkiux sengkoir”: Kapar ee hvixqafng si svy di doaxtuie lai”.